كيفية قضاء وقت الانتظار

boy-1867332_960_720

كثير بنتعرض لساعات انتظار طويلة وبتضيع فى اننا يأما قاعدين مش بنعمل حاجة يأما ماسكين الموبايل وبنعمل scroll down للفيس بوك او انستجرام لساعات طويلة بالرغم من اننا ممكن نستغل الوقت الضايع ده فى حاجات تانية كتير مفيدة زى اللى هنتكلم عليها دلوقتي

waiting-410328_960_720

 

1. لو انت من محبي القراية حاول دايما تبقى شايل معاك كتاب صغير سهل تشيله معاك او لو كنت من محبي كتب ال PDF  اللى بتبقى على الموبايل ده هيوفرلك كتير لأنك كده كده شايل الموبايل وبدل ما تقعد فاضي مش بتعمل حاجة حاول دايما تطلع على العالم اللى حواليك او تكتسب خبرة من الكتب اللى هتقراها

2. فى مواقع كتير على الانترنت ممكن تطلع عليها غير الفيس بوك والانستجرام وتويتر وباقى مواقع السوشيال ميديا .. فى مواقع بتعرفك ازاى تربى اطفالك وتتفاهم معاهم لو انت عندك اطفال مسئول عنهم وممكن تستعين بمحركات البحث زى جوجل فى انك تقرا فى المواضيع دى .. ده لأن الموبايل كده كده معاك اصلا فحاول قدر استطاعتك تستغل الانترنت فى حاجة غير التواصل الاجتماعى وتبنى نفسك ومعلوماتك في الساعات اللى بتضيع منك اثناء اليوم

3. ممكن تحاول تحفظ اى حاجة كنت مكسل عنها لأنك فى وقت الانتظار بتكون زهقان وعايز حاجة جديدة تقضى على الزهق ده وفى الغالب اى حاجة بتعملها فى الوقت ده بتبقى مسلية جدا

4. ممكن تحاول تقول اذكار او تستغفر ربنا وتخلى معاك سبحة دايما

5. ممكن تتصل بحد من الناس اللى بقالك كتير متصلتش بيهم تسأل عليه هتحس انك فرحته وده هينعكس على المود بتاعك

6. ممكن تغير من روتين يومك وتسمع الراديو لو كنت بقالك كتير مش بتسمعه .. الراديو حاجة ممتعة جدا لبعض الناس بس اتنست فى الفترة الاخيرة بسبب زحمة الحياة وكثرة وسائل الاتصالات والانترنت

7. يمكنك تعلم اساسيات لغة جديدة باستخدام هاتفك .. وهناك العديد من المواقع التى تقدم لك اساسيات العديد من اللغات وبصفه عامة التعلم وبناء النفس يساعدك دائما على التفاعل مع اشياء جديدة من حولك مما يقضى على الملل

8. يمكنك ترتيب الملفات الموجودة على موبايلك .. طبعا كلنا او اغلبنا عندنا فوضى عارمة على الموبايلات وده راجع لأننا اما بنيجى نحفظ حاجة بنحفظها فى اى مكان وبعد كده ممكن ندور عليها منلقيهاش لانها تاهت وسط الزحمة اللى على موبايلاتنا

 

minion-890831_960_720


share on Social Media

facebooktwittergoogle_pluspinterest

تعليق

الأسم
الأيميل
Rating
تعليق

سياسة الخصوصية وشروط الأستخدام - تواصل معانا - WIKIKEF Copyright © 2015