طريقة عمل البسبوسة

البسبوسة من اجمل الحلويات , وتتميز البسبوسة بخفتها وسهولة عملها بالاضافة الى مذاقها المميز عن باقى الحلويات , البسبوسة خطوة بخطوة وبسهولة ومكونات البسبوسة .. يالا بينا

  1. 01 البسبوسة - المكونات

    01 البسبوسة – المكونات

    المكونات ” ودى تكفى صينية مقاس 28″ :
    2 كوب وتلت سميد – نص كوب سمن بارد – 1/4 كوب عسل جلوكوز “لو مش موجود يبقى شربات تقيل” – 1/4 كوب حليب – 3/4 كوب سكر – كوب جوز هند وممكن الاستغناء عنه


  2. 02 البسبوسة - تحضير الشربات

    02 البسبوسة – تحضير الشربات

    البسبوسة – تحضير
    بنحط السوائل كلها مع بعض اللبن والسمنة وعسل الجلوكوز ونقلبها عالنار


  3. 03 تحضير الشربات 2

    03 تحضير الشربات 2

    البسبوسة – تحضير
    اول ما المكونات تسخن “مش تغلى” ننزل بالسكر ونقلب لحد ما يدوب وبعد كدا جوز الهند ونقلب


  4. 04 البسبوسة - تحضير

    04 البسبوسة – تحضير

    بعد كدا ننزل بالسميد ونديها تقليبتن تلاته يادوب يختلط بالمكونات مش عجن … نخلى بالنا لو قلبنا كتير البسبوسة هاتنشف مننا


  5. 05 البسبوسة - فى صينية مقاس 28 بنجيب معلقتين سمنة بلدى ومعلقة طحينة ويا ريت ميكونوش سايلين كدا .. وندهن بيهم الصينية كويس وبعد كدا ننزل بالخليط

    05 البسبوسة – فى صينية مقاس 28 بنجيب معلقتين سمنة بلدى ومعلقة طحينة ويا ريت ميكونوش سايلين كدا .. وندهن بيهم الصينية كويس وبعد كدا ننزل بالخليط

    فى صينية مقاس 28 بنجيب معلقتين سمنة بلدى ومعلقة طحينة ويا ريت ميكونوش سايلين كدا .. وندهن بيهم الصينية كويس وبعد كدا ننزل بالخليط


  6. 06 البسبوسة - التحضير

    06 البسبوسة – التحضير

    نفرد البسبوسة فى الصينية وبعد كدا نبل ايدينا ميه ونسويها بايدينا – ندخلها الفرن 5 دقايق على درحة حرارة 200 وبعد كدا نطلعها نحط لوز ونضغطه بصباعنا – ونقسم الصينية على راحتنا ونرجع ندخلها على فرن درجة حرارته 180 لمدة 25 دقيقة ونتابعها عشان متحرقش مننا … ممكن نستغنى عن الخطوة دى خالص


  7. 07 البسبوسة - التسوية والشربات

    07 البسبوسة – التسوية والشربات

    وهى فى الفرن بنعمل الشربات هو عبارة عن كوب وربع مية وكوب وربع سكر وبنقلبه عالنار .. واول ما يغلى نعصر عليه نص ليمونة .. وهو بيغلى نطلع البسبوسة سخنة من الفرن وننزل عليها بالشربات بيغلى بالكمية كلها عشان تبقى طرية وجميلة … بنطفى الفرن طبعا ونرجع البسبوسة الفرن تانى ترتاح من 3-4 ساعات “والنار مطفيييية” – ممكن نغطيها


  8. 08 التقديم-البسبوسة
    التقديم .. ممممم ابعتوو حتة

 

 

 



شيف / سامح صدقى

اسمى سامح صدقى ... بحب التصوير والطبخ ... شغلى ملوش علاقة بالاتنين ..
حبيت ف الاول اصور الحاجات اللى باعملها كل فترة واشاركها مع اصحابى ...
بس لاقت استحسان ناس كتير الحمد لله ..
شكرا ليكم جميعا ويا رب اكون عند حسن ظنكم :)

بالهنا والشفتشى مع سامح صدقى‎


share on Social Media

facebooktwittergoogle_pluspinterest

تعليق

الأسم
الأيميل
Rating
تعليق

سياسة الخصوصية وشروط الأستخدام - تواصل معانا - WIKIKEF Copyright © 2015